అందరూ గమనిస్తున్నారు
కొందరు అడుగుతున్నారు
నువ్వు నువ్వులా లేవే??
ఆ నవ్వు కొత్తగా ఉందే???
అవును..
ఈ నవ్వు వెనుక
సుధీర్ఘ మౌనం వెనుక రహస్యమేమిటో
వారికేం ఎరుక!!
ఒకప్పుడు
ఓటమి అంచుల్లో మా అమ్మ గుర్తుకొచ్చేది
ఆమె నవ్వు గుర్తుకొచ్చేది
కానీ..ఇప్పుడు మాత్రం
అదనంగా నీ నవ్వు గుర్తుకొస్తుంది!!
ఇంత అందంగా నవ్వడం ఎవరు నేర్పారో కానీ!!
నా నవ్వు వెనుక మౌనంగా దాగిఉంటావ్!!!
కోపంలో నువ్వు పెట్టే ముచ్చంగిముఖం ఇంకా గుర్తే!
నాలో విస్మయం సృష్టించే!
నీ నవ్వు తాలూకు జ్ఞాపకం
ఇప్పటికీ నా మోముపై ప్రదర్శితమవుతూనే ఉంటుంది!!
అచ్చు నాలా నేను నవ్వడం బహు అరుదు !!
నువ్వెక్కడికీ వెళ్ళలేదు !
విషాదంలోనూ..మౌనంలోనూ..గెలుపులోనూ..ఆనందంలోనూ
నా వెనుకే దాగివుంటావ్!!
నా మోముపై ప్రత్యక్షమవుతుంటావ్
*11.7.2012
కామెంట్‌లు లేవు:
కామెంట్‌ను పోస్ట్ చేయండి