సాగుతూనే ఉంది జీవితం
జవరాలి మోహం లా..
కంపలూ కంచెలూ..
వెనక్కి తరుముతూ..
మనొహర ద్రుశ్యాలు
మనోఫలకం పై చిత్రిస్తూ
సాగుతూనే ఉంది జీవితం
ఒక్కోసారి మెల్లిగా
ఇంకోసారి వేగంగా
ఒక్కోసారి ఆగే తీరిక లేక
ఇంకో సారి సాగ ఓపిక లేక
సాగుతూనే ఉంది జీవితం
గబ గబా దబ దబా
కుదిరీ కుదరని శ్రుతిలయల్లా
పొసిగీ పొసగని యతి ప్రాసల్లా
చర చరా బర బరా..
సాగుతూనే ఉంది జీవితం
అణగారుతున్న అంత:చేతనంలా
నవీన నాగరికతలా
అడుగంటుతున్న నీళ్ళలో చేప పిల్లలా
సాగిపోతూనే ఉంది జీవితం..
*23/07/2012
కామెంట్‌లు లేవు:
కామెంట్‌ను పోస్ట్ చేయండి