శ్రీ వెంకటేష్॥పేగుబంధం॥

నాలో ఒక విద్యుదావేశ కణం రేగుతుంది

ఊహజనిత స్థలంలో నేనున్నా అప్పటివరకు,
కాని ఉన్న పళాన,
ఏదో ఆలోచిస్తూ దేనికోసమో చింతిస్తూ,
ఎరుగని ఒక కొత్త లోకానికి నేనేగుతున్నట్టు,
అప్పటి వరకు నాకు పేగుతో ఉన్న బంధం విడిపోతున్నట్టు,
ఉన్న కొన్ని రోమాలు నిక్కబొడుచుకుంటూ,
కొన్ని అరుపులు ఆక్రోశంగా వేదనననుభవిస్తున్నట్టు,
కొన్ని అరుపులు ఓర్చుకోమంటూ ఓదారుస్తున్నట్టు,
మొదటగా నా చుట్టూ ఉదాసీన వాతావరణం-

తదుపరి నా చిట్టి చేతులు, చిన్న మొహంతో,
నేను ఒక చల్లని ఒడిలోకి జారాను,
పేగుతో నాకు అమ్మ కడుపులో తెగిన స్నేహం-

పేగుబంధంగా అమ్మ రూపంలో మళ్ళీ...!

*21.7.2012