Sky Baaba కవిత

ఈద్ కా చాంద్ - - - - - - - - చీకటి గుండం లా నువ్వు ఎదురుపడ్డప్పుడల్లా నీ కనుపాపల్లో నా ప్రతిబింబాల్ని తప్ప ఏం ఏరుకోగలిగాననీ... అంతా రంజాన్ కోసం ఎందుకు ఎదురుచూస్తారో గాని నేను మాత్రం నిన్ను చూడొచ్చనే ఆశతోనే... 'అస్సలామలైకుమ్' తో నువ్వు శిర్ ఖుర్మా అందిస్తుంటే జిగేల్ మన్న తారల మధ్య ఆ చాందే నా దిక్కు వొంగినట్లు... ఒఫ్ఫో... సంవత్సరం పొడుగూతా రంజానే అయితే ఎంత బాగుండో... ప్చ్... నిన్ను అలాయిబలాయి తీసుకునే అవకాశమన్న ఉంటే నా దిల్ అలజడిని నీ గుండెలకు చేర్చేటోన్ని గదా...!

by Sky Baaba



from kavi sangamam*కవి సంగమం*(Poetry ) http://ift.tt/1odYB5h

Posted by Katta