Raveendar Hanmandla కవిత

తెర్లు చేస్తే మర్ల బడ్తం -------------------------- ఓ తెలంగాణమా తొలి వేకువ గానమా ఎంతటి నెత్తురు ఒలకబోసుకున్నం మరెంతటి ఉడుకుడుకు ప్రానాలు ధారపోసుకున్నం నాటి రజాకార్లతోనయితేనేమి భూస్వామ్య,దేశ్ముఖ్లతోనయితేనేమి నిన్నటికినిన్న,తొలిపొద్దులను అమాంతం మింగేసే రాజ్య రక్కసులతోనయితేనేమి దివారాత్రులు పోరాటమే కదా అడుగడుగునా అమరత్వమే కదా నాగేటి చాళ్ళల్ల మెరిసిన మొలకలన్నీ ఆకాశాన్ని ముద్దాడే స్తూపాలే కదా ఎంతటి వేదన,మరెంతటి ఘర్శణ రాజీ పడి బతుకుదామన్నా జీవిత రహదారి పొడుగునా వివక్షాపూరిత విచ్చుకత్తులే కదా చేపను నమ్మించి మింగేసే కొ\u003Cంగ జపాలే కదా ఎన్ని గుండెలవిసి ప్రానాలిడిసినయి లేలేత శరీరాలెన్ని అగ్గిలో బొగ్గయినయి ఉరికొయ్యలపై ఊగిన షిరస్సులెన్ని బలిదానమో,బలవర్మణమో విశాద గీతాలపనే కదా వినీల తారాపథంలో వెదుకులాటే కదా త్యాగాల పునాదులపై పోరాట దారులగుండా పొడుస్తున్న పొద్దుతో కదిలివస్తున్న ఓ తెలంగాణమా.. ఆరున్నర కోట్ల ప్రజల విజయ గానమా ఇంక నిన్ను తెర్లు కానీయం అమరుల మర్లబడే త్వతం తో సకల దుర్మార్గాలపై దూసుకెళ్తాం.

by Raveendar Hanmandla



from kavi sangamam*కవి సంగమం*(Poetry ) http://ift.tt/1hrs85L

Posted by Katta