ఎం.నారాయణ శర్మ కవిత

పురా.. .. _________________________ 1 ఆకాశాన్ని మోస్తున్నట్టు రెండుచేతులెత్తినిల్చున్న వెన్నలపులుముకున్న సున్నపుచెట్టు మా పెద్ద మసీదు మాఊరు చెవులు రిక్కరించివినే ప్రభాతప్రదోషకాలల అజా సంగీతం వీథివీథినా శుక్రవారం నాడు ఓ పవిత్ర సందర్భాన్ని మోసుకొచ్చె పూలపల్లకి పుట్టుకనించీ మాఊరు ఎదుగుదలను కండ్లల్లవెట్టి చూసుకున్న కన్నతల్లి 2 ఇప్పుడు ఆకాశం కప్పుకున్న వెన్నెలచుట్టూ మూడురూపాల్లో నేను ఆక్రమించిన వెలుగునించి పెనుగులాడుతున్న చీకటిలా పోతపోసుకుని రంగులద్దుకున్న మూడుతరాలు బ్యూటీపార్లలయిన మంగలిషాపులు డ్రైక్లీనర్లైన ఇస్త్రీ దుకాన్లు ముత్తూట్ ఫైనాన్సుల్లో కుదువవడ్డ బంగారం దుకాన్లు చెదిరిపోయిన ఊరిపాటకు దహనంలో మిగిలిన ఆనవాళ్లలా 3 తోటచుట్టూపరుగెత్తిన చిట్టిపాదాలు ఏ పందెంలోనొ శిథిలమైనడుస్తున్నాయి చెర్వుని కళ్ళల్ల నింపుకున్నట్టు బిడ్డకోసం చేతులెత్తి నమాజ్ చేస్తున్న అమ్మీజాన్ లా ఇప్పుడు పెద్ద మసీదు..

by ఎం.నారాయణ శర్మ



from kavi sangamam*కవి సంగమం*(Poetry ) http://ift.tt/1qCOO8P

Posted by Katta