పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

26, ఆగస్టు 2012, ఆదివారం

కవితా చక్ర || ఆగమనం ||


నాదైన స్వాప్నిక ప్రపంచంలో
స్తబ్దత కాన్వాసు పై,
నిశ్శబ్దపు కుంచెతో..

అస్పష్టపు చిత్రానికి
సప్తవర్ణ మేళవింపు పులిమే
ప్రక్రియలోనేనుండగా,
హఠాత్తుగా...
నిశీధి నిండిన మది గూటిలో
చంద్ర కిరణాల వెలుగు
నింపుకున్న 'తను '
ప్రత్యక్షం!
సంభ్రంగా చూస్తోన్న
నా కళ్ళు
వెన్నెల వాకిళ్ళే అయ్యాయి!
తన రాకకి
గుట్టు చప్పుడు లేకపోయినా..
ఆ ఉనికి తో మాత్రం...
గుండె సడి హెచ్చింది..
సొంపైన ధ్వనిలా!!
ఆదరణకి
నిజమైన భాష్యం చెప్పే..
ఆ చెలిమి తో,
హ్రుదయ కవాటాలు
తెరుచుకుని
ప్రేమ విహంగం.
మునుపెన్నడూ
లేనంత
స్వేచ్చగా ఎగురుతోంది!
అందుకేనేమో..
చిన్న చేయూత చాలు..
అచ్చంగా స్పందించడానికి!
చల్లని చేయి తోడు చాలు..
క్లిష్టంగా ఉన్న
జీవితాన్ని
ఇష్టంగా
ఆస్వాదించడానికి..!!

26.08.2012

కామెంట్‌లు లేవు:

కామెంట్‌ను పోస్ట్ చేయండి