తన్యతకు తెగిన
ఆకాశపు ఫిడేల్ తీగల్ని
ఎడతెగని ఆలోచన్లతో అనస్టమోస్ చేసి,
సెరెబ్రల్ కపాలం తెరిచి
శుధ్ద గాంధారాల్నీ, సుప్త సంగీతాన్నీ
ఆవహిస్తూ,
మురళికంటిన బ్లాక్ హోల్స్ లో
హీలియం గాలులూది
నిషాదపు విషాదం రవళిస్తూ,
ముహుర్ముహుర్లుఠతభంగతరంగ మృదంగ ధ్వానాన్ని
చేతి వేళ్ళలోకి గుండెని లాగి సృష్టిస్తూ,
విశ్వ సంగీతపు ఒపెరాలో
మిల్కీ వేలు దాటుతున్న
అయస్కాంత తరంగాల షడ్జమ స్వర యాత్రలో
ఔడవ ఆరోహణ తుది మెట్టు
దేవ రహస్యాల్ని గుప్పిట చూపిస్తూ
ఉఛ్వాస నిఛ్వాసల జుగల్బందీ ఓంకారమై
నాకే వింతగా విన్పిస్తూ,
సకలం కొత్తగా కన్పిస్తూ...
25 aug 2012
కామెంట్‌లు లేవు:
కామెంట్‌ను పోస్ట్ చేయండి