మనసు మీద
కురుస్తున్న వాసన
ఆ మెత్తెక్కిన గాలి పని అంతేగా
నిలవనియ్యదు
నీరసపడనియ్యదు
చెదలు పట్టిన కారణాలకిక ముఖం
లేదు
అచ్చం చీకటిని
అచ్చం వెలుతురును
భరించటం సాధ్యమయే పనేనా?
ముల్లుకు ప్రేమించే గుణం లేదని
ఎలా నిర్దారించగలరు ?
పండించుకోము
ఆనందాన్ని పంచుకోము
వీధుల్లో నిలబడి విషాదాన్ని కూడా
ధైర్యంగా ధరించలేము
మనుషుల చుట్టూ ఉండే
కాంపౌండ్ వాల్స్ దుర్భేధ్యాలనే
పునాదిలోని బాధ
పీడించేవి అదుపాజ్ఞలేనని
ఇప్పటికైనా తెలుసుకున్నాను
శాస్త్రం ప్రకారమో
సిద్ధాంతాల ప్రకారమో
కళ్ళల్లోకి చూసుకుని
రక్తం లో కలుస్తారా !నిజమేనా!
అనుభవం కల్గిన చూపుడువేలు
అవసరమే.
*12-08-2012
కామెంట్‌లు లేవు:
కామెంట్‌ను పోస్ట్ చేయండి