ఎక్కడె క్కడని వెతుక్కోను
నా చిరునామాని నేను..?
ఏ తలుపు తట్టి చూసినా
గుప్పున పరాయి వాసనే
కునుకు నేను తీస్తాను
కలలు వాడు కంటాడు
పెదవి నేను విప్పితే
చిరునవ్వు మాత్రం వాడిదే
గిలకల బావిలో చేద నేను
దాహం వాడు తీర్చు కుంటాడు
చెమటలు నాకు పడుతుంటే
చిరుగాలి వాడి వైపు వీస్తుంది
తెడ్డు నేను వేస్తున్నాను
చుక్కాని వాడి చేతుల్లో వుంది
విత్తు నేను నాతుతున్నాను
ఫలాలు వాడు కోస్తున్నాడు
ప్రపంచీకరణ గొడుగు కింద
నా ఉనికి నేను కోల్పోయాక
ఇక అన్వేషణ
నా లోలోపలికే....!
*12-08-2012
కామెంట్‌లు లేవు:
కామెంట్‌ను పోస్ట్ చేయండి