బొమ్మవీ కావొద్దు
బొరుసువీ కావొద్దు
నాణెంగా ఉండిపోవడం నేర్చుకోవాలి!
ప్రేమించొద్దు
ద్వేషించొద్దు
అంగీకరించడం అభ్యసించాలి!
తండ్రి నిజం కాదు
కొడుకు అబద్ధం కాదు
బంధానికీ బంధనానికీ మధ్య తేడాను
గుర్తించగలగాలి!
వెంటపడుతున్నకొద్దీ
దూరమయ్యేది లక్ష్యం,
కంటపడేదల్లా ఆశించేకొద్దీ
భారమయ్యేది జీవితం అనే
మెలకువతో మెలగాలి...
మెలాంఖలీ మేఘం వెనుక మెరిసే
ప్రభాత రాగాన్ని దర్శించగలగాలి!
కామెంట్లు లేవు:
కామెంట్ను పోస్ట్ చేయండి