జ్యోతిర్మయి మళ్ళ || ఫేస్బుక్..ఫేస్బుక్..||

సరదా సరదా ఫేస్బుక్కు
ఇక్కడెప్పుడైనా వేస్కోవచ్చోలుక్కు


అడిగేయించుకునే కామెంట్లు అనెస్పెక్టెడ్ కామెంట్లు
అదరగొట్టే కామెంట్లు బెదరగొట్టే కామెంట్లు
ఎన్నెన్నో నీపోస్టులకు ఎవరెవరివో దక్కు
మనసులోని మాటలెన్నొ అక్కడే వెళ్ళగక్కు


ఉత్తుత్తి పోస్టింగులు చెత్తచెత్త పోస్టింగులు
పసలేని పోస్టింగులు పనికిమాలిన పోస్టింగులు
పోనీలే పాపం అని కొట్టావా లైకు
అవుతావు మరినీవు అడ్డంగా బుక్కు


ఆలింకులు ఈలింకులు ఎక్కడెక్కడ్నుంచో లింకులు
వెబ్బుల్లోంచి గ్రూపుల్లోంచి బ్లాగుల్లోంచి గూగుల్లోంచి
ఊసుపోలేదని తెరిచావా చిక్కు
కళ్ళుమూసుకోనఖ్ఖర్లేనిదైతే నీ లక్కు


రిక్వెస్టులు యాక్సెప్టులు టాగింగులు షేరింగులు
అప్లోడులు డౌన్లోడులు వెయిటింగులు చాటింగులు
ఎడిక్టు అవకు బాబూ చెప్పనా నీకో ట్రిక్కు
పొదుపుగా వాడుకో పొందేవు లాభాలు పెక్కు


* 12-07-2012