Sasi Bala కవిత

ఏదీ ఏమయ్యిందీ ???? మనసు విప్పి హాయిగా నవ్వుకున్న నా గతం చిలిపి చిలి ఊసులు పంచుకున్న నా గతం చిన్ననాటి నేస్తాలతో ఆడుకున్న నా గతం పెరటిలోన తోటలోన మావి పొదల గుబురులోన మోట బావి చాటులోన వీధి అరుగు మరుగులోన దాగుడు మూతలు ఆడిన మధురమైన నా గతం ఏదీ ఏదీ ఏదీ ???? ఏమై పోయింది ???? అమ్మకు తెలియకుండ దాచుకున్న మిటాయిలు కంది చేల దొండ చేల జొన్న చేల దోబూచులు చేసుకున్న బొమ్మ పెళ్ళిళ్ళు అమ్మా నాన్నల ఆటలు ఊరంతా ఉరుకులు పరుగులు వూరి చెరువులో ఈతలు ఏవీ ఏవీ ఏవీ ?????? ఏవీ ఆ తీపి గుర్తులు ?? ఉన్నాయా స్నేహాలు ?? ఉన్నాయా మమతల సిరులు ??? పున్నమి వెన్నెల వెలుగులో అమ్మ చేతి గోరు ముద్దలు రాజూ,రాణీ అంటూ బామ్మ చెప్పిన పిట్ట కథలు నీ వీర్యం నా శౌర్యం అంటూ నాన్న గారి వర్ణనలు వీపున మూటలా ఊపుతూ తాత చెప్పిన ముచ్చట్లు ఎక్కడ ఎక్కడ ఎక్కడ ???? ఎక్కడ ఆ మధుర ఘట్టాలు ??? మర మనుషుల బ్రతుకులో యంత్రాల లోకం లో అతికించిన నవ్వులతో అణగారిన ఆశలతో తెచ్చి పెట్టుకున్న ప్రేమలతో ముసుగేసిన మమతలతో సెంటు బురద పూసుకుని మోసపు రంగులద్దుకుని బూటకపు సమాజ రంగం పై ఆటలాడుతున్నవి దేవుడు చేసిన బొమ్మలు మనుషులు చేసిన శిలలు ................................25 feb 14

by Sasi Bala



from kavi sangamam*కవి సంగమం*(Poetry ) http://ift.tt/1erbU9K

Posted by Katta