పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

25, ఫిబ్రవరి 2014, మంగళవారం

Aruna Naradabhatla కవిత

చిత్రం _______అరుణ నారదభట్ల మనుషులు ఎంత చిత్రమో మససులూఅంతే చిత్రం! ఇంటిముందు కట్టేసిన మేకపోతుకూ ప్రేమగా ఆకులు తినిపిస్తూ పిల్లలగెంతులాట.... అరేయి...మంచినీళ్ళు కావాలా... దాహమేస్తుందేమొరా...నీళ్ళిస్తాను అనే పసి చేష్టల హృదయ స్పందన పశువుల మనసును తేలికగా చదివేస్తుంది! తెచ్చిపెట్టిన పండగ రేపో...మాపో దాని ప్రాణాలను గాలిలో కలిపేందుకే అని ఏం తెలుసు వాళ్ళకు!?! ఒకే ఇంట్లో రెండు రకాల మనుషులు చేస్తున్న పని తప్పో...ఒప్పో గానీ ప్రాణం మాత్రం ఒక్కటే అనిపిస్తుంది! మృదువైన శరీరంతో ఉన్నందుకేమో మనసు...మెదడూ మృదువుగానే లేలేత చిగురులా ఎంత సున్నితం! పిల్లలు జీవం పోస్తుంటే వారిని కన్న పెద్దలు ప్రాణం తీస్తున్నారు చేతి ఐదు వేళ్ళూ ఐదు రకాలు ఒక్కచేతికే ఇన్ని హంగులు... లోకంలో ఇంకెన్ని జీవులో... ఎన్ని మనస్తత్వాలో.. సృష్టించిన దేవుడికి కూడా తెలియదు కావొచ్చు! 25-2-2014

by Aruna Naradabhatla



from kavi sangamam*కవి సంగమం*(Poetry ) http://ift.tt/1etqvBG

Posted by Katta

కామెంట్‌లు లేవు:

కామెంట్‌ను పోస్ట్ చేయండి