Nirmalarani Thota కవిత

కనుదోయేమో కన్నీటి చెలిమలా నిండి ఉంటే నువ్వేమో పెదాలపై చిరునవ్వుల ఊసులు చెపుతావు .. జీవితమేమో విడలేని విధి శాపంలా ఉంటే నువ్వేమో మనసు జత చేసే ఊసులు చెపుతావు . .! మనసు పరితపిస్తున్నా మనసు కలపలేని స్థితిలో. . ఏమీ చేయలేని అశక్తతలో నేనుంటే . . మది గాయం ఇంకా మానని స్థితిలో నేనుంటే. . మరో గాయానికి పురిగోలిపే ఊసు నువ్వు చెపుతావు. . ! కనుదోయేమో కన్నీటి చెలిమలా నిండి ఉంటే నువ్వేమో పెదాలపై చిరునవ్వుల ఊసులు చెపుతావు .. ! ! ఈ లోకమంతా ప్రేమలో ఎలా ఓలలాడుతూ వుందో . .. ఒకరికొకరనే భ్రమలో మునిగి తేలుతూ వుందో . . గుండెల్లో ఆవేదనై రగిలే జ్వాల ఆరేలోపే మళ్ళీ తీరని మంటరేపే ఊసు నువ్వు చెపుతావు . . ! కనుదోయేమో కన్నీటి చెలిమలా నిండి ఉంటే నువ్వేమో పెదాలపై చిరునవ్వుల ఊసులు చెపుతావు .. వలపుల వాకిళ్ళు నేను కలగంటే కనుల కింది నీడలే నాకు మిగిలాయి . . సందోహపు సాయంసంధ్యలు నేను కోరుకుంటే ఒంటరితనపు నిశి రాత్రులే నాకు దొరికాయి . . ఎటు చూసినా స్థబ్ధపు పొగ మంచే కమ్ముకొని ఉంటే మరులు విరిసే వసంతపు ఊసు నువ్వు చెపుతావు. .. ! కనుదోయేమో కన్నీటి చెలిమలా నిండి ఉంటే నువ్వేమో పెదాలపై చిరునవ్వుల ఊసులు చెపుతావు ... ! ! { ఆంఖ్ హై భరీ భరీ . . అనువాదం . . Tumse achcha koun hai movie . . Alka Yagnik } నిర్మలారాణి తోట [ తేది: 19.02.2014 ]

by Nirmalarani Thota



from kavi sangamam*కవి సంగమం*(Poetry ) http://ift.tt/1hvdFL9

Posted by Katta