మా మీద కోపమెందుకు చెప్పు ఓ ఇంతీ పూబంతీ!
మిము ప్రేమిస్తూ ఉన్నామనా...
మా మీద ద్వేషమేలనే చెప్పు పడతీ ! ఓ యువతీ!
మీపై రాజ్యం చేస్తున్నామనా...
పురుషుడు వర్గ శతృవా చెప్పు???
పలకరిస్తే ప్రతి పలుకులోనూ మాధుర్యం చిందించడూ?
నువ్వూ నేనూ కలిస్తేనే కదా మహిళా అవుతుంది ప్రకృతి
మనం విడిపోతే అదే అవుతుందిగా వికృతి
నువ్ బలహీనపడి నన్ను బలహీనుణ్ణి చేయకే ముదితా
అనాదిగా మిమ్మణచి మేం ఎంత గా భేషజాలు చూపినా
చివరకు అంగనల కొంగుకు వేలాడుతున్న మమతలు మావేగా
భీముడైనా రాముడైనా సంగరానికి సన్నద్ధమైనది
అతివ కొసకంటి కొసరు కోరికకే కదా
తన జీవన స్వరాలలోని మధుర గానాలన్నీ
సృష్టించేది మగాడు మీ కొరకే కదా
అందుకే చెలీ చెల్లీ తల్లీ తెలుసుకో…మగవాడు పగవాడు కాదు
ప్రేమతో పొదుగుకొంటే పొత్తిళ్ళలోని పసివాడు
07 Sep 12
కామెంట్‌లు లేవు:
కామెంట్‌ను పోస్ట్ చేయండి