పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

12, జులై 2012, గురువారం

కిరణ్ గాలి॥ROCK ON॥


శీలా ..శీలా కి జవాని
ఐయామ్ టూ సెక్సి ఫర్ యు ..మై తెరె హాత్ నా ఆని
టేక్ ఇట్ ఆఫ్, టేక్ ఇట్ ఆఫ్

నేను చూసాను
దేహాల మత్తులో చిత్తవుతున్న ఆత్మలను
మోహాల వత్తులు రగిలి కరుగుతున్న మైనపు విలువలను
తరుగుతున్న వలువలను

అర్ధ నగ్న అనుభందాల గాఢాలింగనాలని
అత్తరు అందాల విశ్రుంకల విన్యాసాలని
రెక్కలు తొడిగిన స్వేచ్చను
ముసుగులు తొలిగిన మ్రుగ కాంక్షలను

నిజం ..నేను చూసాను
రంగు రంగుల లెజర్ కాంతులలో అందంగా మెరుస్తున్న
కల్చర్ evolution & individual freedomla
సుతిమెత్తటి వంపులను సరికొత్త కోణాలను

ఇక్కడ చికటి పడితెకాని చిగురించదు చైతన్యం
వేకువజాము వరకు సాగుతాయి వేడుకలు
శబ్దం హోరెక్కే కొద్ది జొరెక్కుతుంది సాన్నిహిత్యం
మందు విందు పొందుల కాక్ టైల్ డీల్ ఇది
పల్చటి వెలుతురులో పరిచయాలు
చిక్కటి కలయికలుగ రిమిక్స్ అవుతాయి

ఉద్వేగం స్వేదమై కారుతుంటె
వివేకం మంచు ముక్కలై కరుగుతుంది
ఇక్కడ అహ్లాదానికి అశ్లీలానికి సరిహద్దు ఎవరికి వారే గీసుకుంటారు
సంగితం శ్రుతి తప్పినా, సంస్కారం జతి తప్పినా,
సంఘం గతి తప్పినా
మొరల్ పోలిసింగ్ చేసె హక్కు నీకు నాకు లేదు(ట)

చిత్రమేమిటంటే....

నేనిక్కడ
వినొదపు అంచుల మీద వీరంగాన్నే కాదు
నెత్తురు చిందని విషాద మాతంగాన్ని చూసాను
వాయిద్యాల ఘొషలో కుడా మౌనం శ్వాసను స్పష్టంగా విన్నాను
చిరునవ్వుల వెలుతురు మాటుని చితిమంటల వెలితిని చుసాను

టూట టూట ఏక్ పరిందా ఐసె టూట..కి ఫిర్ జుడ్ నా పాయ
లూట లూట కిస్నె ఉస్కొ ఐసె లూట...కి ఫిర్ ఉడ్ నా పాయ

నేను చుసాను...
ఒంటరితనం వెంటాడితే సముహాల్లొ తలదాచుకునె శరనార్దులను
ఓటమి వెక్కిరిస్తె ఓదార్పు కోసమై వ్యసనాల వేనుక నక్కిన "ఆ" సమర్ధులను

గాజు గుండె భల్లున పగిలి ఙ్నాపకాల ముక్కలు గుచ్చుకుంటె
బాధని "బ్లడిమేరి"గ గొంతులొకి దిగమింగే వాళ్ళని
వీళ్ళకి పగటి గాయం ఎంత గట్టిదైతె రాత్రి ఆట అంత రక్తి కడుతుంది

మున్ని బద్నామ్ హుయి, డార్లింగ్ తేరెలియె
మున్నికె గాల్ గులాబి, నైన్ శరాబి, చాల్ నవాబి రె..
లె జన్డు balm హుయి, డార్లింగ్ తెరెలియె

మెకానికల్ జీవితంలో
నైట్ లైఫ్ వెలుగు నిస్తుందో
మరింత చీకటిని నింపుతుందో...బ్రేక్ తర్వాత చూద్దాము
అంతవరకు... ROCK ON
*11.7.2012

1 కామెంట్‌:

  1. నేను చూసాను
    అనగానే తిలక్ చట్టుక్కున స్పురించాడు

    అయినా నాచుట్టూ మెలిపెడ్తున్న
    నెత్తురురాని గాయల్ని
    నాలుకతో నాకుతున్నట్టు


    వెక్కిరింతల సలుపెడుతున్న
    నా దేహాన్ని
    అద్దంలోచూస్తూ
    బ్రేక్ ఎదో తెలియాని తీరాలకు
    కలలు అలలు అలలుగా తెయాడుతూ
    ఎదోతీరం రాకపోతుందా! అనే పిచ్చి ఎదురుచూపు!

    రిప్లయితొలగించండి