మెర్సీ మార్గరెట్ కవిత

ఊయలలో ఉన్నప్పటినుంచే
ఊహతెలిసినప్పటి నుంచే ..
ఊగిసలాటలో గెలిచే
ప్రయత్నం చేస్తూ

పాకులడుతున్నప్పటినుంచి
పాదాలు స్థిరంగా నిలవడం నేర్పిననుండి
పరుగెడుతూనే ఉన్నా
గమ్యం వైపు ఇదేగా అని

తాతత్త అనే పదం నుంచి
దొర్లి దొర్లి పడుతున్న మాటల వరకు
మాటలన్నీ మూటలు కడుతూనే ఉన్నా
ఎంత స్వాంతన పొందానో ..
ఎంత మందిని సపాందిన్చుకున్నానో
తెలుసు కుందామని

కళ్ళు మూసుకునే చూస్తున్నా
కట్టెలపై నుంచి లెక్క పెట్టుకుందామని
"నా "అన్న వాళ్ళని ...
*20-07-2012