గుడిసెకు మూలాన
నులక మంచాన
పాచికంపు బొంతల నడుమ
జోరీగలతో దోస్తీ కడుతూ.........
మొగుడు పోయి మూడార్ల పైనే......
కొడుకుకు అవసరం తీరిన తోలు సంచి
కోడలికి అక్కరకురాని అవశేషమొకటి
కూతురు దులిపేసిన చేతిలో దుమ్ము
మనువడి పెళ్లికి తగిలెడి రాయి
ముని మనవరాలు చూసేటి వింతైన చూపు
ఐదారు నిమిషాలకోసారి రెప్పల చప్పుడు
వినపడితెనేమి వచ్చేదెవ్వరు....?
గుండెలో రగిలేటి ఆక్రందనాలు
చేసేదేమిటి....చావుకెదురు చూపులు...!
*20-08-2012
కామెంట్లు లేవు:
కామెంట్ను పోస్ట్ చేయండి