తిలక్ బొమ్మరాజు కవిత

తిలక్ / పంక్తి __________ ఇసుక పిచ్చుక ఇవాళ ఇంకా రాలేదేంటో జల్లిన మనసు రేణువులన్నీ ఎదురుచూస్తున్నాయి సూర్యుడి తుమ్ములు భూమి నిండా వెలుతురు పిట్టల తుంపరలు నేలంతా కళ్ళతో అద్దిన ఆకాశం కళ్ళలో నీలపు రంగేసుకుంటూ కనబడింది సంధ్యాకాలపు దోసిళ్ళలో అరుణ విత్తనాలను తాగుతూ జీవం రెక్కలు విప్పిన కొబ్బరాకులు రేయంతా చేతులూపుతూ విశ్వానికి గాలి విసురుతూ గుండె చెలమలు ఇంకని వేళ అనుభవాల గుప్పెట్లో కొత్త పాఠాలు నీటిపుంతలు ఉప్పుసంద్రాలై తీపిగురుతుల మట్టి వాసన మనసు తడియారకుండా కొత్త జీవితం షురూ మరణం తరువాత ఆత్మగా పాత పంక్తి సమాప్తం అసంతృప్తిగా తిలక్ బొమ్మరాజు 16/06/14 22/06/14

by తిలక్ బొమ్మరాజు



from kavi sangamam*కవి సంగమం*(Poetry ) http://ift.tt/TjxdXR

Posted by Katta