Chi Chi కవిత

_ ఆహా!!ఓహో :2 _ ఉద్దరిస్తామంటే వద్దనేదెవరు!! అంటే మరి హద్దులుంటాయండి అవి కాళ్ళు చేతులు కట్టేసి కర్తవ్యానికి దూరం చేస్తాయని చెప్పి |ధర్మకర్తలందరూ calmగా వృద్ధిలోకొస్తూoటారు| అవేవో చెక్కుచెదరని చైనా వాల్ లాంటి హద్దులనుకునేరు చెల్లని చెక్కుల్లాంటి కాళ్ళు లాగి కళ్ళు తుడిచే కల్తీ కొడుకుల దినచర్యలు!! కలిసొచ్చిన కామానికి నడిచొచ్చిన compound రాళ్ళ కంచెలు !! పుడతాడో పుట్టడో కూడా తెలీకుండా కాలజ్ఞాన కాలుష్యంలో బూడిదిచ్చిన భూమి తాలూకు పేగు తెగ్గానే ముడేసుకునే జీవితకాల దస్తావేజుల ముచ్చట్లు !! నా కడుపుకి తిండం తప్పా Your honoR అని చెప్పి న్యాయదేవత(item) కడుపులో ఆభూమాంతానికి ఆయనే మొగుడని చెప్పి నాటి దొబ్బే వారసత్వ హక్కు గింజలని పెంచకుండా పోషించకుండా యథాతథంగా వారసులోస్తే అందజేయడానికి న్యాయమ్మా మొగుడు కూడా అయిపోతే , ప్రపంచానికో అధికారిక మొదటి పెళ్ళాం(ఎవరికైనా)లా కదలకుండా చెలామణవుతూ మొగుల్లెవరో , బిడ్డలెవరో అర్థం కాక , లేక చీకటికి ఒళ్లప్పగించేసి తెల్లగా మెరిసిపోతోంది నేను పుట్టకముందే నాకాలైన కన్యాయదేవత!! ఏం చేయను మరి..నా పేరుతో కూడా నాలుగు రాళ్ళు నాటుండటం వల్ల నాకు తెలీకుండానే మొగున్నైపోయానని తెలిసాక తెలిసిందేంటంటే రాళ్ళ ముందు నిలబడి నా రాళ్ళ జోలికెవరూ రాకుండా రాళ్లిసురుతూ ధర్మకర్తలా దరిద్రానికి దూరంగా ఉండాలని!! ఆకలి తెలియని బతుకు కోసం ఆస్తులుండాలని తెలియకుండా పోరాటాల బాటెక్కి బతుకుపోరాటమే ఆస్తిగా ఇచ్చే పౌరుషాలకి ధర్మం తెలీట్లా!! కూడు , గుడ్డ , గూడు , కనీసం బెడ్డు కూడా లేకుండా బిడ్డల్నీనే programmes పెట్టేయడంలో న్యాయం, ధర్మం రెండూ లేవంటే ఒప్పుకోరే!! అంతా అన్యాయం , అధర్మం అంటారు.. అసలే రాళ్ళక్కరువు!! వేటితో కొట్టాలో తెలీక అన్యాయం అధర్మం అని అరిచే నోళ్ళని నోట్లతో కొట్టి ధర్మకర్తల్ని చేసేలోపు , రాళ్ళలోని ప్రాణం రోడ్లమీదకొస్తుంది!! |నోరెత్తనోళ్ళు పుణ్యాత్ములు !! నోరొచ్చే వరకు రాళ్ళేత్తుతారు | ధర్మకర్తల్ని ఉద్దరిస్తున్నది వాళ్ళే అని తెలుస్కోవాలంటే ముందు ధర్మం నాలుగు రాళ్ళమీద నడుస్తోందని తెలుసుకోవాలి!! ఊరికే రావడానికి న్యాయధర్మాలేమైన ఉచ్చలా!!.. ఉచ్చులు.. |కావాలనుకుంటే వెళ్లి ఇరుక్కోవాలి !! వద్దనుకుంటే పక్కకు జరుక్కోవాలి| __________________________________ Chi Chi (25/2/14)

by Chi Chi



from kavi sangamam*కవి సంగమం*(Poetry ) http://ift.tt/1fOOWKX

Posted by Katta