కరణం లుగేంద్ర పిళ్ళై //కఠిన శిల//

నీ మౌనానికి
భాష లేదోమో కాని
భావం పలకడం లో
దానికి సాటి లేదు
కాని అర్థమయ్యి కానట్టు
ఒకటే తిక మక నాకు

నీ అలకను కొలిచే
పరికరం లేదేమో
గుండెను ధ్వంసం చేసే
తీవ్రతకు సాటి ఏముంది..
నీవు దూరమవుతుంటే
రేగే అలజడి చాలదా..

నీడలా వెంటాడే
నీ జ్ఞాపకాలు చాలవా
స్వప్న జగతి నుండి
మేల్కోలిపి
తడి ఆరనీ కన్నీటి
చారికలు తుడవడానికి

ఒక్కమాటయినా బదులివ్వని
నిన్ను ప్రశ్నలా వెంటాడి ఓడిపోయాను..
ఒక్క నవ్వయినా బహుమతివ్వని
నీ వెంటపడి అలసి పోయాను..

*23-08-2012